فيفي عبده لـ شيرين عبدالوهاب: "والله لو ما عندي شغل لأنزل أقعد تحت رجليكي"

حرصت الفنانة فيفي عبده، على توجيه رسالة خاصة للمطربة شيرين عبدالوهاب. 

وقالت فيفي عبده: "أنا بحبك يا شيرين ارجعي لجمهورك، شيرين يا حبيبتي أنا بحبك أوي، وانتي وحشانا أوي، لازم ترجعي لجمهورك، والجمهور بينسى أي حاجة في الدنيا، أنا عايزاكي قوية، انتي جدعة، وبنت بلد، قومي قومي ومتخليش حد يكسرك، أوعي تخلي حد يكسرك، انتي فنانة كبيرة أوي". 

وتابعت: "الناس كلها بتحبك، وانتي مطربة جامدة، لا يا شيرين يا حبيبتي، أنا بحبك والله العظيم لو ما عندي شغل لأنزل أقعد تحت رجليكي وأقعد مخليا بالي منك، وأطلعك من اللي انتي فيه، اقبليني بس وأنا أجيلك". 

وأضافت فيفي عبده: "حبيبتي شيرين أشوفك بألف خير، وألف عافية، انتي بنوتة جدعة، وربنا يخليلك ولادك قوميلهم والفن ميتعوضش، أدعوا لشيرين عبدالوهاب تقوم بالسلامة، والعين بتعمل أكتر من كدة يا شيرين، ومتستسلميش". 

يذكر أن، شيرين عبدالوهاب تمر حاليا بأزمة نفسية سيئة، بعد الازمات التي مرت بها خلال الفترة الماضية سواء مع طليقها حسام حبيب أو شقيقها أو محاميها أو شركات الانتاج التي تعاقدت معها ووقع بينهما نزاع قضائي أو أزمة حساباتها المسروقة على مواقع التواصل الاجتماعي.